Home » LOS DRAPS tornan en iste Artieda 2013 – Esfendemos a Tierra

LOS DRAPS tornan en iste Artieda 2013 – Esfendemos a Tierra

LOS DRAPS

Una d’a collas más popular en os zaguers anyos, anuncia que tornará t’os escenarios principiando en o Festival Esfendemos a Tierra. Los Draps ye una d’as sorpresas que hemos parau ta ista zaguera edicion, pues se trata d’una d’as collas mas conoixidas en o País. As suyas letras en catalán han estau himnos de luita ta muitas cheneracions. O grupo prencipio en l’anyo 1992 tocando en as fiestas d’os lugars d’o Matarranya y arredols, fendo sobre tot versions de cantas d’atros grupos.En 1997 o grupo fue establito oficialment, estando a primera actuación d’o grupo en o estiu de 1998 en Penyarroya chunto con as collas deAzero y Artrosis.

En o estiu de 2000 se gravó a maqueta “Terra de Frontera” y se fan conciertos importants por toda a cheografía d’a Francha y atros puestos como as Islas Balears. En febrero de 2004 gravoron a canta “Matarranya”, poesía d’o poeta Desideri Lombarte, natural de Penyarroya. Se fan gravacions de temas como “Cultura Popular”, “Revolució” (Revolución) y “Feixistes” (Faxistas). O suyo primer disco “No mos fareu callar!” (No mos faretz callar!) apareixe en 2006, o disco incluye 11 cantas en catalán y una, Entalto lo pueblo en aragonés y destacan as colaboracions de Kapi (Azero), Isa, Miguel y Chabi (Prau), Kaspas (Visión Túnel), Josep (Temps al Temps) y Jandro (Mallacán).

En os VIII Premios d’a Mosica Aragonesa 2006 reciben o premio a la millor canta en luenga minoritaria d’Aragón por Cultura popular, y en noviembre de tornan a dentrar en o estudeo para rechistra “Un crit a o vent”,canta inedita que s’incluirá en “Sons d’o Matarranya,” un recopilatorio feito expresament ta promover a mosica en catalán d’Aragón.

Dos anyos dimpués d’o suyo zaguer disco, os Draps tornan con “Un crit al vent”. ” Rasmia, compromiso y luita son as tres bases que caracterizan a la ya consolidada formazión mosical d’o Matarranya, que ixe anyo fan os suyos 10 anyos d’historia como grupo dencima d’os escenarios. Yera un disco estructurado en quince cortes mosicals an l’agresividad d’as guitarras y as melodías d’a dulzaina, que siempre han caracterizado a la formación, van pilladas d’a man d’una voz y unas letras directas como nunca. Quince cantas que no pasan inadvertidas, entre el qual resaltamos Resistència, Quina Història u Acata´t-en. Todas as letras son en catalán a excepción d’Isto ye “en aragonés” y Garaipenera arte “en vasco”.

Fuerza, compromiso y luita son as tres bases que caracterizaban a la formación mosical d’o Matarranya, y que en iste Atieda 2013 podremos ascuitar una vegada más. Una colla con mas de 70 conciertos y que ha compartiu cartel con grupos como koma, mallacan, piperrak, soziedad alkoholika, obrint pas, prau, banda bassotti, betagarri, oprimits u habeas corpus. Os draps tornan con as mesmas ganas que los han visto creixer como grupo y como personas.